05:10 گرينويچ 2009 ,17 نومبر
BBC
د فساد د مخنيوي په برخه کې پر افغان حکومت د نړيوالو فشارونو له زياتېدو سره جوخت په کابل کې د دولتي ادارو لپاره يوه نوې اداره جوړه شوه .
افغان حکومت وايي چې د دغې ادارې دنده به له لويو جرمونو سره مبازره او د لوړ پوړو حکومتي چارواکو کړه وړه څارل وي .
تر دې مخکې هم په افغانستان کې د فساد پرضد ستراتيژۍ د پلې کېدو د څارنې عالي اداره موجوده چې په ټوله کې يې د فساد پر ضد کار کاو او تر څنګ يې د فساد او بډو پر ضد يو بله اداره هم وه . دغه اداره د امريکا او برتانيا په همکارۍ جوړېږي .
په دې وروستيو کې دواړو هېوادونو افغانستان کې د شته فساد پرضد سخته اندېښنه ښوولې ده .
د دغې نوې ادارې چارې به د افغانستان د کورنيو چارو وزارت، ملي امنيت رياست او افغانستان لويې څارنوالۍ پرغاړه وي، چې د نړيوالې ټولنې، په ځانګړې توګه د امريکا او برتانيا ملاتړ به هم ورسره وي .
د پرانيستې په غونډه کې د افغانستان د ملي امنيت ريس امرالله صالح وويل نوموړې اداره به افغانستان کې فساد ضد مبارزې په برخه کې يو نوی ګام وي .
SHUT UP!
ښاغلي صالح زياته کړه چې د دغې ادارې لپاره لسګونه پټ پوليس روزل شوي، چې د سترو جرمونو ورځنی رپوټ برابر کړي .
SHUT UP!
د کورنيو چارو وزير محمد حنيف اتمر وويل د دې ادارې د جوړولو هوکړه يې تېره مياشت کړې، خو اعلانول يې تر دې مهاله وځنډېدل :
SHUT UP!
((ددې ادارې په جوړولو او پراختيا په برخه کې مو د امريکا له ايف بي آی، د انګلستان د سوکې او له اروپايي پوليسو نه مرسته غوښتې ده . دغه اداره به هره ورځ په سيستماتيک ډول د افغانستان د ټولو جګپوړو مامورينو په اړه راټولوي، ټول مامورين چې په جګپوړو پوستونو کار کوي، هغه که کابل کې وي يا له کابله بهر، دغه اداره به يې څاري . فساد کې ښکېل کسان به تر عدلي څارنې لاندې راځي. ))
غونډې ته د امريکا سفير کار ايکنبيري او د برتانيا سفير مارک سډوېل هم وربلل شوي ول .
د برتانيا سفير مارک سډوېل وويل چې افغانستان کې د فساد ضد مبارزه بايد ګړندۍ او وضعيت بدل کړای شي .
هیچ نظری موجود نیست:
ارسال یک نظر