ننګ ، غېرت اوایمان دې ته وایي ؟

‏2010‏، 09‏، جنوری‏، شنبه

چې خولې مولکه دچينچڼودبچووازې نیولي وي چې یوڅوک درته پکی یوڅه درواچوي ؟ آياننګ ،غېرت ، ایمان اوهمت دې ته وایي چې ځانته یوه مړۍ ډوډۍ په حلاله نشۍ ګټلای ، دځان ، کورنۍ اوبچوتداوي نشۍ کولې ، ځانته سرپناه نشۍ جوړولې ، دخپل ښاراوکلي یومترلاره نشۍ جوړولې خوورانولوته بیا بیداریاست ؟ آيا ننګ ، غېرت ، پوه ایمان ، اسلام ، وطن ، عدالت اوانصاف دې ته وایي چې دخېراتونومال اوپيسوته موبوجۍ اوجوالونه جوړکړي ، دپردوپه معاشونوچارواکي شوي یاست ، پردي ټوپکوال موساتي ، تاسودهغوی دیوه عادي امریکایي عسکرځواب په زغړده نشۍ ورکولای نودوطن دفاع به څنګه وکړۍ ؟ ستاسوذهنونه چټل اوله هررنګه انساني پوهې نه خالي دي ، تاسوذهنا پلیت شوي یاست اوجسما مردارشوي یاست ، ستاسوپه وجودکی دخیانت ، غلا، قتل ، بداخلاقۍ اوظلم وینه چلیږي ، تاسواوستاسوکورنۍ له حلال اوپه جائزه توګه ګټلي رزق څخه تغذیه نه ده کړې نوځکه وجودموپه حرامه اونجه وینه چلیږي په افغانستان کی دغېت ، ننګ ، ایمان اوهمت تش نومونه دي ، په حقیقت کی دتوقع څخه ډېرکم مثالونه موندل کيږي نوپه داسې هیوادکی دکوم ملت اوحکومت وجودشته ؟

که چارواکي دي هم مطلق خاينان ، غله ، قاتلان ، بې انصافه ، دملت اوخاوری دوښمنان اودپردیوغلامان دي ، نه پکی وړتیاشته ، نه پوهه اومهارتونه اونه ایمان ، وجدان ، شرم اوهمت لري اونه په افغانانوکی همت ، غېرت اوتوان شته چې غېرتي ، باایمانه ، دیانت داره ، منصف ، وړ اوماهرچارواکي رامنځته کړي اونه په ټاکلوچارواکوکی افغاني ، اسلامي، انساني ، کاري اواصولي زده کړه ، تجربې اواصلاح شته نوداملت به څنګه جوړيږي ؟ اې غولېدلو ، بې لاسوبې پښواوبې فکره افغانانو! که تاسوفکرکوۍ چې تاسوته به هرڅه په تیاره دررسیږي ، اروپایان اوامریکایان ستاسوپه غم سوي دي چې أن په خوله کی ډوډۍ هم درکړي نوستاسونه بې عقل په دې سیاره کی نشته ، تاسوجاهلان دخپل دین څخه خبریاست چې وایي پرته له حرکته برکت نشته اوخدای هم درته تیارې ډوډۍ له اسمان څخه نه درغورځوي ، نوتاسوکوم همت ، غېرت اوایمان لرۍ ، چې دځان غم نشۍ خوړلای نوتاسوبه خپل ملت څنګه جوړکړۍ ، څنګه به دپردیوله شره ځانونه خلاص کړۍ ، په څه به ددوښمن مقابله وکړۍ ، دچاسره به سیالي وکړۍ ، وطن اوملت به په څه جوړکړۍ اوپه څه به خپلواکي اوازادي وګټۍ ؟

په تاسوکی خودومره همت هم نشته چې په خیراتونوجوړشوي ښؤنځایونه ، روغتونونه ، پلونه ، لارې اوجوماتونه واتۍ ، یوجاهل لېونې درشي ، ستاسوپه منځ کی خپل نجس وجودپه بمونووالوزوي اوتاسولکه ګډې په لسګونواوسلګونوقتل کړي آیا تاسودیوه جاهل لېوني ځانمرګي مخه نیولای شۍ ؟ ګډې اونورحیوانات خوآن دپوټکي پوری ګټوردي ، تاسوڅه ګټه لرۍ ؟ تاسوپه خپلوګرېوانونوکی سرټيټ کړۍ چې تاسوکوم صفت لرۍ ، تکړه ، پوه اوباهمته یاست ، خپل ځان اودوطن فکردرسره دې ، دوطن کومه لاره یا پل موجوړکړې ، سوادلرۍ اوپه خپل دین پوهېږۍ ، خپل بچي له ناروغتیا ساتلې شۍ ، څه صفت لرۍ ؟ په داسې حال کی چې نه کوم صفت لرۍ ، نه پوهه لرۍ ، نه توان لرۍ ، نه خپل وسایل لرۍ ، نه ځان ساتلې شۍ ، نه قضاوت کولې شۍ ، نه په خیرات اخیستوشرم درځي ، نوتاسوڅوک یاست ؟ لږخوځان راوپېژنۍ چې څوک یاست ؟ که تاسومونږته میرویس خان ، احمدشاه ابدالي اوامان الله خان رامخته کړۍ اووایاست چې مونږددغوغېرتي ننګیالوزامن یونوښې ډېرې ښکنځلې به درته وکړووځکه چې هغوی خودومره بې صفته اوبې پوهې نه وولکه تاسوچې یاست ، ددنیاخلک درباندی ملنډې وهي . هغوی خودچانه خېرات نه غوښته ، هغوی خویوڅه کول اویوڅه یې درته پرېښودي دي خوتاسوهغه ارزښتونه نه پېژنۍ ، ارزښت نه ورکوۍ اودخپل همت څرک مونه لګي ، نوڅوک یاست ؟